Монголын уран зургийн галерейд Төрийн шагналт, Ардын зураач, Монголын хөгжмийн театрыг үндэслэгч Лувсаншаравын Намхайцэрэнгийн мэндэлсний 111 жилийн ойд зориулсан “Шигшдэй” үзэсгэлэнг өчигдөр /2024.12.11/ нээлээ. Энэхүү үзэсгэлэн нь Л.Намхайцэрэн зураачийн уран бүтээлийн өв, Монголын соёл, урлагт оруулсан хувь нэмрийг олон нийтэд танилцуулах онцгой арга хэмжээ юм.
Түүний “Партизанууд”, “Шивээ Хиагтыг авахад”, “Говийн заг”, “Оюутнууд говьд”, “Тоглолтын өмнө” зэрэг 30 гаруй том хэмжээний бодит зургийн бүтээлүүд Монгол Уран зургийн галерейн алтан сан хөмрөг болон Дүрслэх урлагийн музей, Улаанбаатар хотын музейд үнэт өв болон хадгалагдаж буй.
