Дуучин Мэрайя Кэригийн “All i want for Christmas is you” дуу жил бүрийн арванхоёрдугаар сард дэлхийн хөгжмийн бүх л платформууд болон шилдэг дуу хөгжмийн жагсаалтуудад дээгүүр байрт жагсдаг. Анх зохиогдсоноосоо хойш 30 жил хит дууны жагсаалтад байсаар буй эл дууныхаа зохиогчийн эрхийг Мэрайя Кэри эзэмшдэг бөгөөд зөвхөн энэ дуунаасаа жил бүр гурван сая ам.долларын ашиг олдог аж.
Сонирхуулахад, дуучин Мэрайя Кэри энэхүү дуугаа 1994 онд зохиосон бөгөөд дууныхаа үгийн ердөө 15 минутад л бичсэн аж. Шинэ он, шинэ жилийн баярын сэдэвт бүх цаг үеийн шилдэг дуугаар шалгарсан эл дуу дөрвөн өөр видео клиптэй. Түүнчлэн хамгийн олон сонсогчтой баярын сэдэвт дуу, интернет үйлчилгээгээр хамгийн олон хүнд хүрсэн дуу зэрэг төрөлд дээд амжилт тогтоон, “Гиннес”-ийн номд бичигдэж байжээ.
