Хөлөг баатрын цол гэгддэг Сэр болон Дэйм цолыг хүртээх ёслолын арга хэмжээ өнгөрсөн лхагва гариг /2024.12.18/-т уламжлал ёсоор Их Британийн нийслэл Лондон хот дахь Букингэмийн ордонд болжээ. Энэ удаа Их Британийн нэрт найруулагч Кристофер Ноланд Сэр цол, түүний гэргий, кино продюсер Эмма Томаст Дэйм цолыг кино урлагийн салбарт оруулсан хувь нэмрийг нь өндрөөр үнэлэн олгосон байна. Тэдэнд цол, тэмдгийг III Чарльз хаан олгож, гардуулжээ.
Их Британийн засгийн газраас тэдэнд хөлөг баатрын цол олгох шийдвэрийг энэ оны гуравдугаар сард буюу найруулагч “Оппенхаймер” киногоороо долоон төрөлд “Оска”-рын шагнал хүртсэнээс ердөө хэдхэн долоо хоногийн дараа зарлаж байсан юм.
Ташрамд сонирхуулахад, Сэр Кристофер Нолан томоохон кино төслөө эхлүүлээд буй бөгөөд гол дүрүүдэд Том Холланд, Зендейа, Энн Хэтэуэй, Мэтт Дэймон, Роберт Паттинсон, Шарлиз Терон, Люпита Н’онго нар тоглох бөгөөд эл уран бүтээлээ 2026 оны долдугаар сарын 17-нд нээхээр товлоод буй юм.
