Зураач Г.Наранцацрал “Хүсэл ба хязгаар” уран бүтээлийн бие даасан үзэсгэлэнгээ “Хаан” арт галерейд дэлгэж байна. Үзэсгэлэнд түүний сүүлийн 15 жилийн турш туурвисан холимог техник, дижитал арт, тосон зураг болон коллажаар зохиомжоо гаргасан 30 орчим шилмэл бүтээл багтжээ. Тэрбээр энэхүү үзэсгэлэнд дэлгэсэн уран бүтээлүүдээрээ үзэгчдийг өөрсдийн дотоод ертөнцдөө нэвтэрч, хүн ба байгалийн хүйн холбоо, хүсэл, түүний хязгаарлалт, эрх чөлөө, хайр, оршихуйн мөн чанарыг дахин эргэцүүлэн бодоход урьж байна. “Хүсэл ба хязгаар” үзэсгэлэн энэ сарын 28-ныг дуустал үргэлжилнэ.
