“Squid Game” цувралын шинэ улирал эхнийхээсээ доогуур үнэлгээ авлаа. Тухайлбал, гурван жилийн өмнө үзэгчдийн хүртээл болж байсан тус бүтээлийн эхний улирал мэргэжилтнүүдээс 95 хувь, үзэгчдээс 84 хувийн үнэлгээг хүртэж байсан бол уржигдар гарсан шинэ улирал мэргэжилтнүүдээс 83 хувь, үзэгчдээс 63 хувийн үнэлгээг авчээ.
Анх уг цувралын хоёрдугаар улирал төлөвлөгдөөгүй байсан ч Netflix платформын түүхэн дэх хамгийн өндөр үзэлттэй бүтээл болж, өндөр амжилтыг үзүүлсэн учраас үргэлжлэлийг хийхээр болсон. Улмаар шинэ улирлыг гурван жилийн туршид хөгжүүлсэн ч ердөө долоон ангитай байгаа нь үзэгчдэд хангалтгүй санагджээ.
Тус бүтээлийн найруулагч Хуан Дун Хёг болон гол дүрд тоглосон Ий Жон Жэ нар 2022 онд Эмми наадмаас шилдэг найруулагч болон шилдэг гол дүрийн шагнал хүртсэн анхны Ази уран бүтээлчид болж байв.
