Өнгөрсөн аравдугаар сард 70 жилийн өмнөх Сталинградын тулалдааны талаар өгүүлсэн “Сталинград” 3D кино нээлтээ хийсэн билээ. “Сталинград” 3D киноны найруулагчаар нь Фёдор Бондарчук ажилласан бол уг кино зохиолыг нь Илья Тилькин болон Сергей Снежкин нар бичжээ. “Columbia Pictures”, “IMAX theaters” мэдээлж байгаагаар энэхүү бүтээл нь Оросын бүхий л цаг үеийн хамгийн өндөр борлуулалттай киногоор шалгарчээ.
Кино өнгөрсөн аравдугаар сард нээлтээ хийснэсээ хойш 66 сая ам.долларын ашиг олсон бөгөөд Хятад л гэхэд 11,5 сая ам.долларын ашиг олжээ. Сталинградын тулалдаан нь 20-р зууны хамгийн цуст тулаан байсан юм. Гэсэн ч киноны найруулагчид Сталинградын тулалдааны тухай биш харин хайр дурлалын тухай кинонд тодотгон харуулжээ. Энэхүү кинонд Германы армийн офицер болон Орос эмэгтэй хоёрын халуун дурлалыг өгүүлжээ. Найруулагч Фёдор Бондарчук хэлэхдээ “Сталинградын тулалдаан бол аймшигт түүх. Энэ кинонд нэг байшинд хоргодож буй орос эмэгтэй болон таван эр хүний хоорондын харилцааны тухай өгүүлнэ. Мөн орос эмэгтэйд дурлах нацист цэргийн талаар гарна” гэсэн байна. “Сталинград” кино нь аль хэдийнэ Акедемийн авардсаар шилдэг гадаад хэл дээрх кино төрөлд ялалт байгуулах нь тодорхой болоод байгаа билээ.
А.Зул
Эх сурвалж: eagle.mn
