Улсын хүүхэлдэйн театрын хамт олон энэ амралтын өдрүүдэд буюу нэгдүгээр сарын 25, 26-нд 11.00 цагаас Орос ардын үлгэрээс сэдэвлэсэн “Манжин”, 15.00 цагаас Италийн нэрт зохиолч К.Коллодийн “Пиноккио” жүжгүүдээ хүүхэд багачуудад зориулан толилуулах гэж байна.
Найруулагч: Г.Гандөш
Хөгжмийн найруулга: Э.Базарханд
Ерөнхий зураач: Н.Тамир
Эрт урьдын цагт тариачин өвгөн эмгэний хамт амьдран суудаг байжээ. Өвгөн амтат ногоо тарьж “Аварга ногоочид”-ын уралдаанд жил бүр оролцдог бөгөөд энэ жилч мөн адил оролцохоор шийдэн маш том ногоо ургуулж байтал будаа тариа, үр үндсээр хооллодог сахилгагүй хулгана тарьсан ногоог нь сүйтгэчихэв. Өвгөн тэмцээнд оролцож чадахгүй болсондоо сэтгэлээр унахыг харсан муур, нохой, мөн зуны амралтаараа өвөөгийндөө ирсэн ач охин гурав сахилгагүй хулганыг барихаар хичээнэ.
Харин хүнсний ногоо идэх дургүй ач охин өдөр бүр хоолныхоо ногоонуудыг ялган хулганы үүрний дэргэд тавьсан нь сахилгагүй хулганыг эрүүл чийрэг, хүч чадал ихтэй болгож орхив.
Зохиолч: К.Коллоди
Найруулагч: Б.Анхбаатар
Зураач: Б.Анхбаатар
Бяцхан модон хүүхэлдэй “Пиноккио”-г Италийн нэрт зохиолч К.Коллоди дэлхий дахинд алдартай болгосноос хойш өдгөө хоёр дахь зууныхаа нүүрийг үзэх гэж байна. Худал ярих бүрд хамар нь урт болдог сахилгагүй хүүхэлдэйн сонирхолтой түүхийг хүүхэлдэйн олон төрлийг хөгжмийн зэмсэгтэй хослуулан хүүхэлдэйн театрын жүжигчдийн чадварлаг тоглолтоор үзэгчдийн хүртээл болгоход бэлэн боллоо. Хүүхэлдэй хэвээр үлдэх үү эсвэл хүн болох уу? Хэдийгээр үлгэр боловч тухайн зохиол нь бүх насны хүнд зориулсан зохиол юм.
