67 дахь удаагийн “Грэмми” шагнал гардуулах ёслол ирэх ням гарагт буюу хоёрдугаар сарын 2-нд АНУ-ын Лос-Анжелес хотын “Crypto.com” цэнгэлдэх хүрээлэнд болно. Дуу хөгжмийн салбарын шилдгүүдийг тодруулдаг эл наадам өнөө жил зөвхөн дуу хөгжмийн шилдгүүдийг шалгаруулаад зогсохгүй Лос-Анжелест гарсан томоохон ойн түймэрт нэрвэгдсэн хүмүүст зориулан хандив босгох, хүнд нөхцөлд гал түймрийг унтраахаар ажиллаж буй гал сөнөөгчид болон бусад ажилчдад хүндэтгэл үзүүлэх зорилготой гэдгээрээ онцлог юм.
Нэр дэвшигчдийн тухайд дуучин Бейонсе нийт 11 номинацад өрсөлдөх бол Charli XCX, Билли Айлиш, Кендрик Ламар, Post Malone нар тус тус долоон шагналд нэр дэвшжээ.
Харин ёслолын ажиллагааны тайзнаа Charli XCX, Билли Айлиш, Шакира, Чаппел Роан, Doechii, Сабрина Карпентер, Raye, Бенсон Бун, Тедди Свимс нар уран бүтээлээ толилуулах аж.
“Грэмми”-д нэр дэвшигчдийн бүрэн жагсаалтыг ЭНД-ээс харах боломжтой.
