“It ends with us”, “Confess”, “Layla”, “Regretting you” зэрэг романтик зохиолуудаараа алдартай зохиолч Коллин Хувер 2018 онд триллер жанрын “Verity” хэмээх бүтээлээ уншигчдын хүртээл болгож байв. Худалдаанд гарсан даруйдаа “The New York Times”-ын бестселлер болж чадсан эл зохиолоор бүрэн хэмжээний кино нь хийгдэхээр болоод буй.
Тэгвэл “Verity” киног “The idea of you”, “Spoiler alert” зэрэг киноны найруулагч Майкл Шоуолтер найруулахаар болсон аж. Харин киноны гол дүрүүдэд жүжигчин Энн Хэтэуэй, Дакота Жонсон болон Жош Хартнетт нар тоглохоор болжээ.
“Verity” киноны үйл явдал Лоуэн (Дакота Жонсон) хэмээх олонд танигдаагүй, жирийн нэг зохиолч бүсгүйд бестселлер номын зохиолч Верити Кроуфорд (Энн Хэтэуэй)-ын дуусгаагүй орхисон номон дээр ажиллах санал ирж, тэрбээр саналыг зөвшөөрч, Веритигийн бичсэн зохиолын ноорог хуудаснуудыг унших явцдаа түүний гэр бүлийн тухай аймшигтай, сэтгэл сэртхийлгэм нууцыг олж мэдсэнээр кино цааш өрнөх аж.
