Элдэв гаж үйлдэл, хувцаслалт зэргээрээ ялгардаг шуугиан таригч дуучин бүсгүй Лэди Гага Хятадад хориотой хамтлаг, дуучдын “хар жагсаалт”-д багтсан бөгөөд түүнийг тус улсын засаг захиргаа урлаг, соёлын аюулгүй байдалд хор хохирол учруулж байна хэмээн үзсэн билээ.
Түүнтэй хамт Кэти Перри, Бритни Спирс нарын уран бүтээлийг Хятадад хориод байсан юм. Тэгвэл өчигдөрхөн энэ хоригийг цуцласнаар манай урд хөршид дуучин Лэди Гагагийн “Artpop” нэртэй сүүлчийн цомгийн худалдаа эхэлжээ. Гэхдээ цензур бараг хийгдээгүй аж. Нэг дууных нь нэрнээс хятадууд “секс” гэдэг үгийг хасчээ. Түүнчлэн цомгийн хавтсанд бага зэргийн өөрчлөлтүүдийг оруулах болов. Гага бүсгүй Хятадын төр, засгийн энэхүү шийдвэрийг баяртайгаар хүлээж авсан бөгөөд удахгүй тус улсад очин нүсэр тоглолт хийхээ амласан байна.
Эх сурвалж www.wikimon.mn
