Монголын өв соёл, уламжлалыг дэлгэрүүлэх зорилготой “Монгол” нүүдэлчин өвлийн фестиваль 2025 оны хоёрдугаар сарын 16-22-ны өдрүүдэд Үндэсний цэцэрлэгт хүрээлэнд үргэлжилж буй.
Фестивалийн онцлох үйл явдлын нэг болох “Хурд” хамтлагийн тоглолт хоёрдугаар сарын 22-ны 13:00 цагаас “Мазаалай” төв тайзнаа болно.
Монголын рок, поп урлагийн амьд домог болсон, Төрийн соёрхолт “Хурд” хамтлаг өвлийн фестивалийн сүүлийн өдрийг уран бүтээлээрээ чимж, мөсөн тайзнаа тоглож, знэ төлбөргүй тоглолтоороо үзэгчдэд мартагдашгүй дурсамж үлдээх болно.
Та бүхнийг энэхүү гайхалтай тоглолтод хүрэлцэн ирж, өвлийн фестивалийн уур амьсгалыг хамтдаа мэдрэхийг урья.
