“Blackpink” хамтлагийн дуучин Женни, Америкийн реппер, дуучин Дойчитай хамтарсан “Extral” дуугаа ирэх баасан гарагт цацахаар болсон тухайгаа мэдэгдлээ. Эл шинэ дуу Женнигийн анхны бие даасан “Ruby” цомогт багтаж буй бөгөөд цомгоо ирэх гуравдугаар сарын 7-нд гаргана. Энэхүү цомог нь түүний “YG Entertainment” болон “Interscope Records”-оос гарснаас хойших бие даасан анхны бүтээл юм.
“Ruby” цомогт “Mantra”, Америкийн дуучин, ая зохиогч Доминик Фиктэй хамтарсан “Love Hangover” зэргээс гадна Childish Gambino, Dominic Fike, Dua Lipa, Kali Uchis зэрэг алдартай уран бүтээлчидтэй хамтарсан уран бүтээлүүд багтаж буй.
