Улсын филармонийн концертмейстер О.Энхмөнх “Classic piano recital” концертоо маргааш /2025.02.20/ “Kawai concert hall”-д 19.00 цагаас тоглоно.
О.Энхмөнх нь улсын болон олон улсын 10 гаруй уралдаанд амжилттай оролцож, тэргүүн болон тусгай байруудыг эзэлж байсан чадварлаг уран бүтээлч юм.
Тоглолтын хөтөлбөрт Фредерик Шопены “Nocturne Op.27 No.2”, “Mazurka Op.24 No.4”, “Etudes Op.10”, “Ballade Op.23 No.1”, П.И.Чайковскийн “Dumka Op.59”, хөгжмийн зохиолч Ш.Өлзийбаярын “Рапсоди” зэрэг хөгжимчнөөс нарийн мэдрэмж, өндөр ур чадвар шаарддаг зохиолууд багтжээ.
“Classic piano recital” концертын тасалбарыг ticket.mn вебсайтаас авах боломжтой.
