“То bе or not tо bе” шоу нэвтрүүлгээр үзэгчдийн танил болж, Төрийн шагналт, Гавьяат жүжигчин Д.Сосорбарамын найруулсан Английн зохиолч Айн Рэндийн “Нэгдүгээр сарын 16-ы шөнө” жүжигт тоглон уран бүтээлийн гараагаа эхэлсэн жүжигчин Э.Намууны төрсөн өдөр өнөөдөр тохиож байна.
Э.Намуун СУИС-ийг 2013 онд Ардын жүжигчин, найруулагч Б.Мөнхдоржийн удирдлагад төгссөн бөгөөд үргэлжлүүлэн найруулагчаар суралцжээ. Тэрбээр “Мөрөөдлийн театр”-ын тайзны уран бүтээлүүдээс гадна “Цахлай нисэх гэж төрдөг”, “Хамтдаа” зэрэг телевизийн олон ангит кино, “Одод болох хүслэн”, “Үлгэрийн баатар гэртээ харих замд” гэхчилэн уран сайхны кино зэрэг дэлгэцийн цөөхөн уран бүтээлд тоглосон ч ур чадвараараа гайхагддаг уран бүтээлч юм. Э.Намуун хэсэг хугацаанд уран бүтээлээс хол байсан ч өнгөрсөн жил үзэгчдэд хүргэсэн “Яг түүн шиг” шоунд амжилттай оролцон урлагт эргэн ирж буйгаа зарласан юм.
