Өнөөдөр “Хувьсал” продакшны жүжигчин, найруулагч Г.Бямбасүрэнгийн төрсөн өдөр тохиож байна.
Г.Бямбасүрэн нь “Сити” их сургуулийн хөгжимт жүжгийн ангийг жүжигчний мэргэжлээр төгссөн бөгөөд 2010 оноос “Хувьсал” продакшнд ажиллаж буй. Тус продакшны арын албанаас ажлын гараагаа эхэлсэн эл бүсгүй өнгөрсөн хугацаанд “Зүрхээр наадагч”, “Атганд үлдсэн эрдэнэ”, “Миний нууц” кинонд нэгдүгээр найруулагчаар, “Тооцоогүй тоглоом” киноны гол дүрд жүжигчнээр, “Хайр” жүжигт туслах найруулагч, жүжигчнээр, мөн “Тэнгэрээс буусан од”, “Ноён эмэгтэй” кинонд зохиолч, нэгдүгээр найруулагч, түүнчлэн “Хувь заяа”, “Аминч” уран сайхны кинонд зохиолч, ерөнхий найруулагчаар тус тус ажиллажээ.
