Америкийн реппер, дуучин Doechii буюу Жейла Жаймия Хикмон энэ 2025 оны голлох уран бүтээлч болоод байна. Тодруулбал, тэрбээр “Anxiety”, “Denial is a River” зэрэг хит дуугаараа бараг бүх чансааг тэргүүлсэн. Харин энэ удаад тэрбээр “Billboard”-ын 2025 оны онцлох эмэгтэйгээр шалгарчээ.
Ташрамд дурдахад, Doechii “Грэмми”-ийн шагнал гардуулах ёслолоос “Alligator Bites Never Heal” цомгоороо шилдэг реп цомог номинацад тэргүүлж байсан юм. Ингэснээр хөгжмийн ертөнцийн түүхэнд шилдэг реп цомог номинацад шагнал хүртсэн гурав дахь эмэгтэй уран бүтээлч болсон.
Түүнчлэн сүүлийн хоёр жилд Doechii-гийн таван уран бүтээл “Hot 100 Billboard”-т багтаж, “Billboard”-ын 2023 оны шилдэг шинэ од хэмээх шагнал хүртсэнээс гадна Миланы загварын долоо хоногт оролцон моделийн гараагаа эхлүүлээд байгаа юм.
