“Сочи-2014″ өвлийн олимпийн наадам албан ёсоор нээлтээ хийлээ. Оросын өнгөрсөн 40 жилийн түүхэнд хамгийн том бүтээн байгуулалт дагуулсан Сочигийн олимпийн нээлт 40 мянган хүний суудалтай “Фишт” цэнгэлдэхэд товлосон ёсоор 20:14 цагт эхэлсэн.
Олимпийн нээлтийн ёслолд ОХУ-ын ерөнхийлөгч Владимир Путин, НҮБ-ын ерөнхий нарийн бичгийн дарга Бан Ги Мүн, ОУОХ-ны тэргүүн Томас Бах нараас гадна дэлхийн 70 гаруй орны төрийн тэргүүн нар хүрэлцэн ирсэн байв. Монгол Улсын Ерөнхийлөгч Ц.Элбэгдорж мөн олимпийн нээлтийн өмнөх өдөр Сочийг зорьж, нээлтийн ёслолд тухлан саатсан билээ.
Тэрээр “Сочи-2014″ өвлийн олимпод оролцох орон орны төлөөлөл болсон тамирчид улсынхаа төрийн туг талбааг Оросын цагаан толгойн үсгийн дарааллаар “Фишт” төв цэнгэлдэх хүрээлэнд оруулж ирсэн. Харин Монголын баг тамирчид нээлтийн жагсаалд 49 дүгээрт орж ирсэн бөгөөд Монголын тугчаар гүйлтийн цанын тамирчин Болдын Бямбадорж томилогдож алтан соёмбот төрийн далбааг “Фишт” төв цэнгэлдэх хүрээлэнд оруулж ирсэн билээ.
Сочигийн олимпийн наадам дэлхийн 87 орны 2800 гаруй тамирчид оролцож буй бөгөөд энэ нь өвлийн олимпд анх удаа хамгийн их орноос хамгийн их тамирчид оролцож дэлхийн рекордыг эвдсэн бас нэгэн том үйл явдал болж байгаа юм.
