Жүжигчин Ким Сү Хёны агентлаг Ким Сү Хён болон Ким Се Рун нарын харилцааны талаар дэлгэрэнгүй тайлбар хийлээ. Тус агентлагийн зүгээс өнөөдөр хэд хэдэн мэдэгдэл хийсэн бөгөөд Ким Сү Хёны сэтгэцийн эрүүл мэнд гарч буй мэдээллүүдээс үүдэн муудсан тухай мөн дурдсан байна.
Уг мэдэгдэлд “Бид энэ тухай мэдэгдлээ ирэх долоо хоногт хийхээр төлөвлөж байсан ч өнөө өглөө Ким Сү Хёны сэтгэл зүйн байдал гэнэт тогтворгүй болсон тул бид түүний биеийн байдлыг ажиглаж байна. Ким Се Руны үхэлд өөрийг нь буруутай гэх мэдээлэл цацагдснаас болж тэр маш хүнд байдалд орсон. Камертай хүмүүс компани дээр ирж түүнийг хүлээх болсон нь түүнд сэтгэл зүйн хүнд дарамт болсон.
Ким Се Рун, Ким Сү Хён нар 2019-2020 оны хооронд буюу Ким Се Руныг насанд хүрсэн хойно болзож байсан. Ким Се Руны 2024 оны 3-р сарын 24-нд инстаграмдаа хийсэн зураг бол тэднийг 2020 онд болзож байхдаа авсан зураг.
Ким Сү Хён цэргийн алба хааж байхдаа Ким Се Рун руу илгээсэн захидал бол түүний дотны найзууддаа илгээсэн захидлуудын нэг. Үүнийг Ким Се Руны насанд хүрээгүй үеийн зурагтай нийлүүлэн хайр дурлалын захидал мэтээр олонд дэлгэсэн нь ташаа мэдээлэл.
Гаро Серогийн цацсан мэдээллээс болж маш олон худал мэдээлэл, гүтгэлэгийн шинж чанартай зүйлс цацагдсан. Эдгээр мэдээллүүдийг тус сувагт өгсөн хүн түүний гэр бүлийн харьяаллын хүн биш. Үнэн хэрэгтээ тэр хүн Ким Се Руны ээжийнх нь танил төдий нэгэн. Бодит байдлыг мушгин гуйвуулж, хэн болохыг нь батлах боломжгүй мэдээлэгчийн хэдхэн зураг, мэдээлэлд үндэслэн цуурхал тарааж байна.
Хоёр хүний дунд байсан хувийн амьдралыг бусад хүмүүс хүчээр илчилж байгаа нь тэдний эргэн тойронд байгаа хүмүүсийг ч мөн маш ихээр өвтгөж байна. Насанд хүрсэн хүмүүс болзож байгаад салсан үеийг хүмүүс гуйвуулж, тоо томшгүй олон худал мэдээлэл тараасаар байна. Талийгаачийн хувийн амьдралыг ийнхүү ухаж төнхөх нь түүний нэр төрийг гутааж буй үйлдэл юм” гэжээ.
