Төрийн cоёрхолт “Баянмонгол” биг бэнд энэ баасан гарагт буюу гуравдугаар сарын 28-нд дан блюз хөгжмөөс бүрдсэн “Moody blues” тоглолт хийхээр болжээ.
Африк гаралтай америкчуудын энэхүү хөгжмийн төрөл нь өнөө цагт дэлхий даяар тархсан mainstream урсгал болтлоо хөгжжээ.
“Moody blues” тоглолтод дуучин Г.Тэнүүн болон Ж.Ариунжаргал нар оролцох ба “Баянмонгол” чуулга дэлхийн бүх цаг үеийн шилдэг блюз дуунуудаас гадна биг бэндэд зориулсан дан хөгжмийн бүтээлүүдийг эгшиглүүлэх юм. Тухайлбал, “B.B.King, Gary Moore, Stevie Ray Vaughan, Eric Clapton, Frank Foster, Quinсy Jones, Duke Ellington, Amy Winehouse зэрэг дэлхийн оддын бүтээлүүдээс толилуулах юм байна.
