Өнгөрсөн бямба гараг /2025.03.29/-т АНУ-ын Лос-Анжелес хотын “YouTube” театрт “Billboard women in Music-2025” шагнал гардуулах ёслол болж өнгөрлөө.
Энэхүү “Billboard women in Music” нь хөгжмийн ертөнцөд үнэтэй хувь нэмэр оруулсан уран бүтээлч, продюсер нарт олгодог шагнал бөгөөд жил бүр уламжлал болон зохион байгуулсаар ирсэн арга хэмжээ юм.
Өнөө жилийн ёслолд Өмнөд Солонгосын “Blackpink” хамтлагийн гишүүн, дуучин Женни “Global Force” шагнал хүртжээ. Тэрбээр уг шагналыг гардахдаа “Би маш их баярлаж байна. Манай хамтлагийн гишүүд бүгд ганцаарчилсан тоглолт хийж байгаа. Тэднийгээ их санаж байна. Та нартаа их хайртай шүү, та нар байхгүй бол би энэ шагналыг авч чадахгүй байсан” хэмээн сэтгэгдлээ хуваалцжээ. Мөн өөрийн шүтэн бишрэгчдэдээ баярлалаа гэдгээ хэлж, хамгийн сүүлд “Ээжээ би танд хайртай” хэмээн хашгирчээ.
