Ирэх тавдугаар сард “Hommegirls” сэтгүүлийн 13 дахь дугаар уншигчдын гарт хүрнэ. Эл дугаарын нүүрийг K-pop урлагийн төлөөлөл, загварын ертөнцийн од болсон “Blackpink” хамтлагийн гишүүн Женни чимжээ.
Энэ дугаар нь Женнигийн загварын мэдрэмж, түүний бүхий л төрхийг илэрхийлж, уншигчдад өвөрмөц, хүчирхэг мэдрэмжийг төрүүлэх ажээ. Женни сүүлийн жилүүдэд “Chanel”, “Calvin Klein”, “Gentle Monster” зэрэг дэлхийд тэргүүлэгч брэндүүдтэй хамтран ажиллаж, загварын ертөнцөд өөрийн байр сууриа бататгасан билээ.
Зураг авалтыг нэрт гэрэл зурагчин Stevie Dance авч гүйцэтгэсэн байна. Тэрбээр энэ удаагийн зураг авалтад минималист хэв маягтай, хүчирхэг бөгөөд өөртөө итгэлтэй дүр төрхийг бүрдүүлсэн бөгөөд дэлхийн загварын ертөнцөд томоохон нөлөө үзүүлэхүйц бүтээл болсон хэмээн үзэж буй аж.
“Hommegirls” сэтгүүлийн 13 дахь дугаарт Питер Мулиерийн шинэ “Alaïa” бүтээлүүд, “Dior” брэндийн талаарх нийтлэл, савхин хүрэмний чиг хандлага зэрэг олон сонирхолтой нийтлэлүүд багтжээ.
