Алдарт Реппер Lil Wayne шинэ уран бүтээлээр эргэн ирэх гэж байна. Тэрээр гурван жилийн турш хүлээгдээд байсан “Tha Carter 5” цомгоо тун удахгүй гаргахаар болжээ.
Тэрбээр өнгөрсөн амралтын өдрүүдээр АНУ-н Нью Орлеанст зохион байгуулагдсан “NBA All Stars”-ын тоглолтонд оролцсон юм. Уг тоглолтын үеэр реппер Drake ирэх тавдугаар сарын 5-нд Реппер Lil Wayne-ын тав дахь "Carter" цомог худалдаанд гарахаар болсоныг мэдэгдсэн юм. “Young Money VP”-ын хувьд энэхүү цомгийн талаарх мэдээлийг нууцлаж байсан юм. Тэд үүнийгээ Реппер Lil Wayne фенүүддээ гэнэтийн бэлэг барихаар төлөвлөж байгаа хэмээн тайлбарлаж байсан билээ. Харин Реппер Lil Wayne хувьд тэрээр өнгөрсөн 2011 онд уран бүтээлээ цаашид хийхгүй хэмээн мэдэгдэж байсан. Мөн “Tha Carter 5” цомгоо 2012 онд гаргах бөгөөд энэ нь түүний сүүлийн цомгоо байх болно хэмээж байсан билээ. Гэсэн ч цомгийн ажил гурван жил үргэлжилсэний эцэст ийнхүү ирэх тавдугаар сард нээлтээ хийхээр болсон байна. Түүний “Tha Carter 4” цомог нь 2011 онд гарсан бөгөөд Биллбоарлын шилдэг цомгын нэгт бичигдэж эхний долоо хоногтоо л 964,000 хувь худалдаалагдсан амжилтыг үзүүлж байсан юм.
А.Зул
