Монгол Улсын Төрийн шагналт, нэрт яруу найрагч Р.Чойномын нэрэмжит “Залуу нас” дугуйлан нээгдэж, утга уран зохиолд дуртай залуу уран бүтээлчдийг дэмжин үйл ажиллагаа явуулж эхэлснээс хойш өдгөө арван жилийн ойтойгоо золгож байна. Тус дугуйланг Р.Чойномын өвийг хамгаалах “Өд” сангийн тэргүүн Д.Ганболд анх санаачлан, үүсгэн байгуулжээ.
Ийнхүү арван жилийн ойн хүрээнд “DeepPress”-ийн хамт олны зүгээс тус дугуйлангийн гишүүдийн шилмэл шүлгүүдийг нэгтгэсэн хоёр дахь уран бүтээл буюу “Мөр” антологийг эрхлэн гаргаж уншигчдад хүргэж байна. Үүнээс өмнө буюу 2020 онд дугуйлангийн таван жилийн ойгоор “Тамга” уран бүтээлийн нэгдлийн санаачлагаар “Залуу нас” утга зохиолын дугуйлангийн гишүүдийн анхны бүтээл болох “Дөт” антологи хэвлэгдэж байв.
“Мөр” номын нээлт энэ сарын 26-ны өдөр Улсын их дэлгүүрийн “New York Empire” ресторанд болно.
Дэлгэрэнгүй мэдээллийг дараах линкээс авна уу.
