Дэлхийн хамгийн өндөр настай хүн болох Бразилын гэлэнмаа Ина Канаварро 116 насандаа таалал төгссөн байна. Түүний “Есүсийн гэгээн Тереза” сүмээс мэдэгдэл хийхдээ Канабарро лхагва гарагт /2025.04.30/ гэртээ, тайван амгалан амьсгал хураасан гэжээ.
Дэлхийн өнцөг булан бүр дэх зуугаас дээш насалсан хүмүүсийг хянадаг “LongeviQuest” нэгдүгээр сард түүнийг хамгийн өндөр настай хүн гэж баталж байсан юм. Тус сайтаас харвал тэрбээр ирэх зургаадугаар сарын 8-нд 117 нас хүрэх байжээ. “LongeviQuest” мэдээлснээр одоо дэлхийн хамгийн өндөр настай хүний рекордыг 115 настай Британи эмэгтэй эзэмшиж байгаа аж.
Өнгөрсөн жилийн хоёрдугаар сар тус сайтын авсан видео бичлэг дээр Ина Канаварро өөрийнх нь урт насалсны түлхүүр католик шашин хэмээн боддогоо илэрхийлсэн юм. Тэрбээр өсвөр насандаа шашны ажил үйлсэд оролцож эхэлсэн байна. Насан туршдаа багшаар ажилласан түүний шавь нарын дунд 1964-1985 оны хооронд Бразилийг удирдаж байсан дарангуйлагч Жоао Фигейредо байсан юм. Канаваррогийн 110 насны төрсөн өдрөөр Пап Францис түүнд хүндэтгэл үзүүлж байв.
