78 дахь удаагийн Каннын кино наадам өчигдөр /2025.05.13/ нээлтээ хийлээ. Нээлтийн ёслолын үеэр Леонардо ДиКаприо алдарт жүжигчин Роберт Де Нирод Каннын кино наадмын дээд шагнал болох “Алтан далдуу модны навч” шагналыг гардуулан өгчээ.
Леонардо ДиКаприо шагнал гардуулан үеэрээ “Роберт Де Ниро бол миний карьерыг өөрчилсөн хүн. Би түүний ачаар л жүжигчний амьдрал руу орсон. Тухайн үед тэр намайг тус кинонд сонгож тоглуулсан нь миний амьдралд мартагдашгүй нөлөө үзүүлсэн. Энэ киноны үеэр найруулагч Мартин Скорсезетэй танилцсан нь уран бүтээлийн замналд минь чухал нөлөө үзүүлсэн. Түүний зөвлөмж, дэмжлэг надад маш их урам зориг өгсөн. Тэр үг цөөтэй ч хэлж буй зүйл нь маш гүн гүнзгий утга учиртай байдаг. Тэр бол миний үлгэр дуурайл” гэжээ.
Тэд анх 1993 онд “This boy’s life” кинонд хамтран тоглосон нь Леонардо ДиКаприогийн хамгийн анхны томоохон дүрүүдийн нэг байжээ.
Шагнал гардан авсан Роберт Де Ниро анх 1973 онд “Mean Streets” киногоороо Каннын кино наадамд оролцож байсан тухайгаа дурдан Леонардо ДиКаприогийн хэлсэн үгэнд талархал илэрхийлээд “Тэр маш ухаалаг, үнэнч, жинхэнэ уран бүтээлч” хэмээсэн байна.
Энэхүү үйл явдал нь хоёр үеийн жүжигчдийн хоорондын харилцан хүндлэл, кино урлагт оруулсан хувь нэмрийг харуулсан сэтгэл хөдөлгөм мөч байсан тухай эх сурвалжууд онцолсон байна.
