К-поп хөгжмийн ертөнцийн тод төлөөлөл болсон охидын “Blackpinк” хамтлаг ирэх долдугаар сарын 5-6-ны өдрүүдэд Гоянг цэнгэлдэх хүрээлэнгээс Дэлхийг тойрсон аялан тоглолтоо эхлэхээр товлоод буй.
Тэгвэл тэдний ээлжит аялан тоглолт “Deadline” буюу “Эцсийн хугацаа” гэх нэртэй байх аж.
“Blackpink” хамтлаг Сөүл дэх тоглолтын дараа Хойд Америк, Лос Анжелес, Чикаго, Торонто, Нью-Йорк, дараа нь Парис, Милан, Барселона, Лондонд болохоор товлосон. Одоогоор хамтлаг аяллын эцсийн зогсоолоо 2026 онд буюу нэгдүгээр сарын 16-18-ны хооронд Японы Токиогийн “Дом”-д хийхээр төлөвлөж байна.
