Хүн дүрст роботуудын анхны олимпыг наймдугаар сарын 29-ний өдрөөс есдүгээр сарын 2-ны хооронд Олимпын наадмын өлгий нутаг болох Грект зохион байгуулахаар болжээ. Дэлхийн өнцөг булан бүрд зохион бүтээсэн хүнтэй төстэй роботууд богино зайн гүйлт, харайлт, жад шидэлт зэрэг спортын төрлөөр өрсөлдөх ажээ.
Спортын тэмцээн уралдаанаас гадна зочид хиймэл оюун, робот техникийн салбартаа тэргүүлэгч мэргэжилтнүүдийн илтгэлүүдийг сонсож, роботуудтай харилцан ярилцаж, “физик оюун ухаан” хэрхэн ажилладаг талаар мэдлэг авах интерактив сургалтуудад оролцох боломжтой.
“Энэ бол эртний уламжлал, футурист технологийн ховор хослол бөгөөд хүний бүтээлч сэтгэлгээ, робот техник хэрхэн нэгдэж маргаашийн ертөнцийг хэрхэн бүтээж буйг харуулах үйл явдал юм” гэж зохион байгуулагчид нь онцолжээ.
Хүн дүрст роботуудын анхны олимпыг хиймэл оюуны технологийг хөгжүүлэгч “Acumino” компани болон гарааны бизнесийг дэмжигч “Endeavor Greece” байгууллага хамтран зохион байгуулах бөгөөд хүмүүс болон машинууд бие биеэ хэрхэн хөгжүүлж, суралцаж, урам зориг өгч болохыг харуулах зорилготой ажээ.
