Улсын дуурь, бүжгийн эрдмийн театрын тайзнаа ирэх бямба гариг буюу зургаадугаар сарын 21-д Ж.Вердийн “Макбет” дуурийг тоглоно.
“Макбет” дуурь нь эрх чөлөө, дарангуйлал, хүмүүсийн хоорондын нөхөрлөл хаана хүрээд дуусдаг вэ зэрэг сэдвүүдийг гүн гүнзгийн хөндөн туурвиснаараа сонгодог урлагийн сан хөмрөг дэх онцгой бүтээлийн нэгд зүй ёсоор бичигддэг.
Ж.Вердийн алдарт гурван дуурийн нэг “Макбет” нь Шекспирийн хамгийн алдартай эмгэнэлт зохиолын нэг юм. Бусад дууриас ялгаатай нь хайр дурлалын түүх агуулагдаагүй гэдгээрээ өвөрмөц бүтээл болсон.
Тус театрын зургаадугаар сарын дуурийн тоглолтын хаалт болгож “Макбет” дуурийг ганцхан удаа тоглохоор болжээ.
“Макбет” дуурийг 2023 онд Улсын дуурь, бүжгийн эрдмийн театрын тайзнаа тоглогдох үед Итали улсын удирдаач Стефано Торболи ажилласан. Тиймээс Итали дуурийг Италийн удирдаач ирж театрын тайзнаа тоглож байсан түүхэн үйл явдал болж байв. Хайр дурлалын түүх агуулагдаагүй гэдгээрээ өвөрмөц бүтээл болж чаджээ. Тиймээс дэлхийн алдарт театрын тайзнаа тоглогддог өвөрмөц дуурийн нэг “Макбет” болсон байна.
“Макбет” дуурийн либретто
(дөрвөн бүлэгт дуурь)
Нэгдүгээр бүлэг
Макбет, Банко нар Норвегийн эсрэг дайнд ялаад буцаж явах үед шулмууд тэдний замыг тосон уулзана. Тэд Макбетыг Кавдорын ноён цаашлаад Шотландын титмийг ч түүний толгойд өмссөн байхаар зөгнөжээ. Шулмууд Банког “Хаан биш ч, хаадын үр удам болно” гэж зөгнөнө.
Хоёрдугаар бүлэг
“Банкогийн үр удам түүний дараа хаан ширээнд сууна” гэсэн шулмын зөгнөл Макбетын нойрыг хулжаан, гүн бодлогошролд оруулжээ. Банко болон түүний хүү Флинс хоёулаа амьд байгаад айж, уурсан “Би Банкогийн үр удмын төлөө Дунканы аминд хүрсэн гэж үү”, “Хаан ширээгээ түүний хүүд алдахгүй” гэх бодлууд Макбетын толгойд эргэлдэнэ. Хөлсний алуурчид хөлсөлж, Банкогийн амийг нь хөнөөсөн ч Флинс зугтаж амжив.
Гуравдугаар бүлэг
Макбет өөрийн хувь заяагаа асуухаар шийдэж, шулмын агуй руу явна. Түүний асуултын хариуд шулмууд гурван зүйлийг шившив.
Дөрөвдүгээр бүлэг
Шотландын дүрвэгсэд эх орноо үгүйлэн санааширна. Тэдний дунд Макбетын гарт эхнэр, хүү хоёроо алдсан Макдуф байна. Алагдсан Дунканы хүү, хунтайж Мальколм Английн цэргүүдийг удирдан ойртож ирэв. Макдуф дайснаас цэргүүдийнхээ тоог нуухын тулд дайчид бүрдээ Бирнам ойгоос мөчир авч явахыг тушаав.
