Японы алдарт Sci-Fi, триллер төрлийн цуврал болох “Alice in borderland”-ын гуравдугаар бүлэг энэ оны есдүгээр сард нээлтээ хийхээр болсон юм. Уг цувралын талаарх сонирхолтой мэдээллийг танд хүргэж байна.
- Японы манга зохиол Харо Асагийн ижил нэрт зохиолоос сэдэвлэн, найруулагч Шинсүкэ Сатогийн Netflix-тэй хамтарсан бүтээл нь анх 2020 онд эхний бүлгээ цацаж байжээ.
- Хэдийгээр тухайн цаг үедээ олон улсын үзэгчдийн дунд эрчийг авч чадаагүй ч, БНСУ-ын алдарт цуврал “Squid game” гарсны дараа хүмүүсийн анхааралд ихээхэн өртсөн юм.
.jpg)
- Киноны үйл явдлын хувьд гол дүрийн эрэгтэй болох Арисү Токио хотын эзэнгүй хувилбар мэт ертөнцөд сэрж амьд үлдэхийн төлөөх үхлийн аюултай даалгавруудыг биелүүлэх хэрэгтэй болно. Даалгавар бүр нь хөзрийн дүрстэй холбогдсон байх бөгөөд биеийн хүч, багийн ажиллагаа, логик сэтгэлгээ болон сэтгэл зүйг шалгаж байдаг.
- Цувралын эхний бүлэг нь амьд үлдэхийн төлөөх тэмцлийг түлхүү харуулдаг бол хоёрдугаар бүлэгт дүрүүд тэр харгис ертөнцийн цаад учир, жинхэнэ мөн чанарыг мэдэхийн тулд хичээдэг.
- Хоёр бүлэг гарч дууссан ч үзэгчдийн дунд тайлагдаагүй олон асуултыг үлдээсэн учир тус цувралын үзэгчид дараагийнхаа бүлгийг хүлээж байгаа юм.
- Зарим талаар “Squid game” цувралтай төстэй бол, нөгөө талаар “Matrix” цувралыг ч санагдуулдгаараа онцлог.
- Кино зураг авалт нь компьютер график шаардлагатай дүрс ихтэй ч кино багийнхан боломжит дүрсүүдийг бодит газар авахыг илүүд үзжээ.
- Нэрнээсээ эхлээд алдарт хүүхдийн зохиол “Алиса гайхамшгийн оронд” бүтээлтэй төстэй бөгөөд дүрүүдийн онцлог зохиолын дүртэй тун ойролцоо юм. Жишээлбэл, гол дүр болох Арисү бол Алиса харин эмэгтэй гол дүр болох Усаги бол цагтай цагаан туулай (Усаги гэх үг нь япон хэлэнд туулай гэсэн үг), Чисиягийн дүр бол Чешир муур бөгөөд Мира бол Бундын хатны дүрийг төлөөлдөг гэхэд болно.к
- Дүрд оноогдсон жүжигчид дүрийн жинхэнэ онцлогийг гаргахын тулд бэлтгэл сургуулилт тогтмол хийж, шинэ зүйлсийг маш хурдан хугацаанд сурсан юм. Ихэнх тулааны хэсэг дээр орлон тоглогч ашиглахаас татгалзаж, жүжигчид өөрсдөө жүжиглэсэн юм.
- Уг киног үзэх насны ангилал нь +18 бөгөөд үүний шалтгаан нь хүчирхийллийн дүрслэл ихтэйгээс гадна мэргэжилтнүүдээс сэтгэл зүйн дарамт өндөр гэж үнэлэгдсэнээс болжээ.
