АНУ-ын Үндэсний сансрын агентлаг (NASA) энэ зунаас эхлэн пуужин хөөргөлт, сансрын алхаа, дэлхийг сансраас харах зэрэг сансрын хөтөлбөрүүдээ “Netflix” платформоор шууд дамжуулж эхлэхээ мэдэгдлээ. Энэхүү шийдвэр нь сансрын судалгааны үйл ажиллагааг дэлхийн нийтэд илүү хүртээмжтэй болгох бодлогын нэг хэсэг хэмээн NASA хэвлэлийн мэдэгдэлдээ дурдсан байна.
Шууд дамжуулалтууд нь урьдын адил NASA-ийн апп болон албан ёсны вэбсайтаар үнэ төлбөргүй, сурталчилгаагүй хэлбэрээр иргэдэд хүрэх бөгөөд үүн дээр “Netflix” нэмэгдэж байгаа юм.
NASA+ платформ 2023 онд олон нийтэд сансрын мэдээлэл, хөтөлбөрүүдийг илүү хүртээмжтэй хүргэх зорилготойгоор нээгдсэн. Энэ хамтын ажиллагаа нь арилжааны сансрын нислэгүүд огцом нэмэгдэж буй үед тохиож байгаа бөгөөд тэргүүлэгч компаниудын нэг болох Илон Маскийн “SpaceX” 2025 оны эхний хагас жилд 81 удаа хөөргөлт хийгээд байгаа юм. Тэгвэл эдгээр сансрын хөтөлбөрүүдийг “Netflix”-ийн 700 сая гаруй хэрэглэгч цаг тухайд нь үзэх боломжтой болж байгаа аж.
