Өмнөд Солонгосын жүжигчин И Со И 43 насандаа таалал төгсжээ.
Өнгөрсөн мягмар гарагт буюу энэ сарын 1-ний өдөр KST түүний нас барсан тухай мэдээг олон нийтэд мэдээлсэн бөгөөд түүнийг өнгөрөгч зургаадугаар сарын 20-ны өдөр нас барсан гэжээ. Үхлийн шалтгааныг нь одоогоор олон нийтэд зарлахаас татгалзсан байна.
Талийгаачийн менежер Сон Су Бин “Миний гэгээлэг, үзэсгэлэнтэй, хөөрхөн, эелдэг охин энэ сарын 20-ны өдөр тэнгэрт од болон харвасан болохыг мэдэгдэхийн тулд үүнийг бичиж байна. Түүнийг нас барсан тухай мэдээг сонсоод та бүхэн цочирдож, зүрх чинь шархалж байгааг би мэдэж байна. Гэхдээ түүнийг сайхан газар аваачихын тулд залбираарай” гэжээ.
Жүжигчин И Со И 2013 онд MBC телевизийн түүхэн драма болох “Hu Jun”, “The Original Story”-д жүжигчнээр ажиллаж, “The King and Killing Romance”, “Cheongdam-dong Scandal” зэрэг кинонуудад тоглосноор алдартай болжээ.
