Дэлхийн стриминг платформууд шинэ улирлын онцлох цувралуудаа танилцуулж эхлээд буй. Тэгвэл энэ долдугаар сард цацагдах анхаарал татахуйц шинэ цувралуудыг онцлон хүргэж байна.
The Sandman 2
Цацагдах огноо: Долдугаар сарын 3
2022 онд эхний бүлгээ цацаж, багагүй шуугиан дэгдээгээд байсан The Sandman цувралын хоёрдугаар бүлэг энэ оны долоодугаар сарын 3-ны өдөр цацагдах гэж байна. Энэхүү цуврал нь Британийн зохиолч Нил Гейманы домогт комиксоос сэдэвлэгдэн бүтээгдсэн ба хоёрдугаар бүлэг нь цувралын төгсгөлийн бүлэг байх болно хэмээн кино багийнхны зүгээс мэдэгджээ.
Dandadan 2
Цацагдах огноо: Долдугаар сарын 3
Өнгөрөгч оны шилдэг аниме цувралуудын нэг Dandadan-ы үргэлжлэл долоодугаар сарын 3-ны өдрөөс эхлэн гарах бөгөөд цувралд харь гаригийнханд итгэдэг Кэн хүү, сүнс байдаг гэж битүүхэндээ найддаг Момо охин хоёрын тухай өгүүлнэ. Тэгвэл тэд энэ удаад ч гэсэн үргэлжлүүлэн харь гаригийнхан, сүнснүүдтэй байлдаж, тэмцэх болно. Мэдээж бүх зүйл тэдний бодсон шиг амар байхгүй нь гарцаагүй.
Too Much
Цацагдах огноо: Долоодугаар сарын 10
Киноны гол дүр болох Жессика Нью-Йорк хотод амьдардаг. Тэрээр гэнэт хайртай залуугаасаа салж, сэтгэлээр унаж, дахин хэзээ ч жинхэнэ хайртайгаа учрахгүй гэж боддог. Ийнхүү амьдралдаа томоохон өөрчлөлт хийхээр шийдсэн Жессика Лондон хот руу нүүж, шинэ амьдрал эхлүүлнэ. Гэвч тэрээр санаандгүй байдлаар сайхан сэтгэлтэй боловч “хүүхэд” шиг Феликс хэмээх залуутай танилцсанаар киноны гол үйл явдал өрнөнө.
Dexter: Resurrection
Цацагдах огноо: Долоодугаар сарын 11
Цуврал алуурчин Декстер эргэн ирлээ. Энэ удаагийн бүлэг нь Dexter: New Blood богино цувралын үргэлжлэл бөгөөд ухаангүй байсан Декстер гэнэт сэрж, өөрийг нь алахыг завдсан хүү Гаррисоныг хайхаар Нью-Йорк хотыг зорьсноор киноны түүх үргэлжлэх юм. Цувралын продюсероор Клайд Филлипс ажилласан бол гол дүрд Ума Турман, Питер Динклэйж, Кристен Риттер, Нил Патрик Харрис нар тогложээ.
Foundation 3
Цацагдах огноо: Долоодугаар сарын 11
АНУ-ын зохиолч Айзек Азимовын романаас сэдэвлэн бүтээсэн цувралын гуравдугаар бүлэг долоодугаар сарын 11-ний өдөр цацагдах гэж байна. Математикч Селдон Галактикийн эзэнт гүрэн шинэ дундад зууны ирмэгт ирснийг олж мэдсэний дараа ирээдүйн мянган жилийн төлөвийг тооцоолж, иргэншлийг дахин сэргээх төлөвлөгөө боловсруулдаг. Цувралын үйл явдал хэдэн зууны турш үргэлжлэх бөгөөд шинэ улирал өмнөхөө бүлгээсээ 152 жилийн дараах цаг хугацаанд өрнөнө. Энэ үед Селдоны үүсгэн байгуулсан Foundation хэмээх байгууллага цэцэглэн хөгжиж буй ч, түүний урьдчилан таамаглаж чадаагүй Мул хэмээх мутант тэдэнд аюул заналхийлэл учруулах болно.
Untamed
Цацагдах огноо: Долоодугаар сарын 17
Netflix-ийн шинэ бүтээл Untamed хэмээх богино цуврал энэ сарын 17-ны өдөр цацагдах гэж буй. Тэгвэл киноны үйл явдал Хойд Америкийн Сьерра-Невада нурууны баруун энгэр дагуух зэрлэг, онгон байгальд өрнөнө. Тус газар нэгэн аймшигт гэмт хэрэг гарснаар АНУ-ын Үндэсний паркийн албаны мэргэжиллтэн Кайл Тернерийн ажил эхлэх болно. Тэрээр зөвхөн тус газрын нууцуудыг олж мэдээд зогсохгүй, өөрийн өнгөрсөн амьдралын хар бараан дурсамжтай нүүр тулах аж.
