Жүжигчин Пак Бо Гумыг БНСУ-ын аялал жуулчлалын хүндэт элчээр албан ёсоор томилжээ. БНСУ-ын аялал жуулчлалын яамнаас “Хэзээ ч дуусашгүй Солонгос” уриан дор кампанит ажлаа эхлүүлсэн бөгөөд энэ хүрээнд Бо Гумын тоглосон хоёр сурталчилгааны бичлэгийг олон нийтэд цацсан байна.
БНСУ-д саяхан гарсан ой хээрийн түймэр, онгоцны сүйрэл, урьд өмнө тохиолдож байгаагүй аадар бороо зэрэгт нэрвэгдсэн бүс нутгийг аялал жуулчлалаар дамжуулан сэргээнэ хэмээн тус улсын Соёлын дэд сайд онцолжээ.
Жүжигчин Бо Гумын хувьд “Солонгос улсын сэтгэл татам байдлыг Дэлхий дахинтай хуваалцах нь нэр төрийн хэрэг. Би энэ чухал ажилд томилогдож байгаадаа баяртай байна” хэмээн сэтгэгдлээ хуваалцжээ.
Мөн тэрээр жуулчдыг өөрийнх нь тоглосон “When life gives you tangerines” кинонд орсон Пусан хотын далайн эрэг болон Хан мөрний эргээр аялахыг уриалсан байна.
