Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
  • Кино
Facebook Twitter Instagram
Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
  • Кино
Facebook Twitter Instagram
Урлаг.мнУрлаг.мн
Урлаг.мн»Гадаад мэдээ»“YouTube” хүүхдүүдийг хамгаалахын тулд хиймэл оюуныг ашиглана
Гадаад мэдээ

“YouTube” хүүхдүүдийг хамгаалахын тулд хиймэл оюуныг ашиглана

Урлаг Урлаг18/08/2025Шинэчлэгдсэн:20/08/2025Сэтгэгдэл байхгүй1 минут уншина
Facebook Twitter LinkedIn Имэйл Telegram WhatsApp
Share
Facebook Twitter LinkedIn Pinterest Имэйл

Насанд хүрээгүй хүүхдүүдийг зохисгүй контентоос хамгаалахыг хүчтэй шаардсаар байгаа энэ үед “YouTube” платформ насанд хүрсэн мэт дүр эсгэж байгаа хэрэглэгчид нь хүүхдүүд мөн эсэхийг тодорхойлохын тулд хиймэл оюун ухааныг ашиглаж эхэлжээ.

“Google”-ийн эзэмшдэг “YouTube”-ээс гадна “Instagram”, “TikTok” зэрэг нийгмийн сүлжээний платформууд хүүхдүүдийг насанд хүрэгчдэд зориулсан контентоос хамгаалж байгаа эсэх талаарх хяналт шалгалтад өртөж буй энэ үед хиймэл оюуныг ашиглаж байна.

“YouTube Youth”-ийн бүтээгдэхүүний менежмент хариуцсан захирал Жеймс Бесерийн хэлснээр, машин сургалт гэж нэрлэгддэг хиймэл оюун ухааны хувилбарыг үзсэн дүрс бичлэгийн төрөл, хаяг нээснээс хойших хугацаа зэрэг олон хүчин зүйл дээр үндэслэн хэрэглэгчдийн насыг тодорхойлоход ашиглах ажээ. “Бид энэ аргыг бусад зах зээлд хэсэг хугацаанд ашигласан бөгөөд үр дүн сайтай байсан” гэж тэрбээр нэмж хэллээ.

Нас тооцоолох загвар нь хэрэглэгчийн насыг тооцоолох технологийг сайжруулсан гэж “YouTube” мэдэгджээ. Технологийн фирмийн мэдээлснээр, “YouTube” өөрсдийг нь насанд хүрээгүй гэж үзвэл тухайн хэрэглэгчдэд мэдэгдэл хүргүүлэх бөгөөд ингэснээр зээлийн карт, селфи зураг эсвэл иргэний үнэмлэхээр өөрийн насыг баталгаажуулах боломжийг олгоно. Нийгмийн сүлжээний платформууд “хүүхдүүдийг хамгаалж чадахгүй байна” гэх шүүмжлэлд өртсөөр ирсэн билээ.

Австралид удахгүй хэрэгжиж эхлэх нийгмийн сүлжээний тухай шинэ хуулийн дагуу 16-гаас доош насны хүүхдүүдийг “YouTube”-д нэвтрэхийг хориглоно гэж салбарын сайд өнгөрсөн сарын сүүлчээр мэдэгдсэн юм. Ирэх 12 дугаар сарын 10-наас хэрэгжих уг хууль нь нийгмийн сүлжээний платформуудад тавьсан дэлхийн хамгийн хатуу шаардлагуудын нэгд тооцогдож байна. Энэхүү хуулийг бусад улс орнууд анхааралтай ажиглаж байгаа бөгөөд үүнтэй төстэй хоригийг хэрэгжүүлэх эсэх нь олны анхаарлыг татаж байна.

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Гадаад мэдээ Урлаг

“Alibaba” платформ “Ганц биечүүдийн өдөр”-ийн хямдралын аян эхлүүллээ

30/10/2025
Гадаад мэдээ Урлаг

Дэлхийн I дайны үеийн лонхтой захидал олджээ

30/10/2025
Гадаад мэдээ Урлаг

Ганцаараа амьдрахад хамгийн таатай хотоор Вичита шалгарчээ

24/10/2025

Сэтгэгдэл хаалттай

Сүүлд нэмэгдсэн

АНУ-д олон үйлдэлт гэрийн роботын захиалга эхэлжээ

31/10/2025

Уран бүтээлч, гэрэл зурагчин Б.Инжинаашийн “Хожимдсон үзвэр” үзэсгэлэн үргэлжилж байна

31/10/2025

2024 оны утга зохиолын шилдэг бүтээлийн эздэд батламж гардууллаа

31/10/2025

“Alibaba” платформ “Ганц биечүүдийн өдөр”-ийн хямдралын аян эхлүүллээ

30/10/2025

“Stray Kids”-ийн гишүүн И Ноу төрсөн өдрөөрөө 200 сая вон хандивлажээ

30/10/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.