“Mxrningstar” хамтлаг бие даасан анхны “Хүн” цомгоо “Үүрнээсээ чи”, “Гацдаа”, “Гунигтай”, “Бодлын гүнээс”, “Хүн”, “Бадамлянхуа”, “Харгуй” зэрэг нийт долоон дуутайгаар гаргаж байв. “Monadd” лэйблээс гаргасан уг цомог 2024 оны аравдугаар сарын 22-нд бүх хөгжмийн платформуудаар цацагдаж эхэлсэн юм.
Тэгвэл тус хамтлаг удаах цомгоо “Эрх чөлөө” нэртэйгээр гаргах аж. Эл цомогт “Оршил”, “Итгэл үнэмшил”, “Эрх чөлөө”, “Уулын энгэрт”, “Сүнсний томъёо”, “Жинхэнэ шаналал”, “Гэрлийн гялбаа”, “Эр хүний аз жаргал”, “Юуны төлөө”, “Үзэхийн хязгаар”, “Хавар” зэрэг уран бүтээл багтах бөгөөд цомгоо ирэх аравдугаар сарын 22-нд сонсогчдын хүртээл болгох юм байна.
“Эрх чөлөө” цомгийн эхний уран бүтээл “Уулын энгэрт” дууг хүргэе.
