“The Sorcerer’s Stone”, “The Chamber of Secret” sзэрэг кинонуудыг найруулсан “Харри Поттер” төслийн анхны найруулагч Крис Колумбус HBO-гийн шинэчилсэн “Харри Поттер” цувралын Хагридийн дүрийг хараад сэтгэл гонсойсон талаараа хуваалцжээ.
Тодруулбал Крис Колумбус “The Rest Is Entertainment” подкастад оролцох үеэрээ “Харри Поттер цувралын дүрүүдийн зургийг хараад ‘яг л бидний хийж, санаачилж байсан хувцсыг өмсчихсөн байна’ гэж бодсон. Тэгээд хэсэг хугацаанд ‘яг дуурайлгаж хийх юм бол дахиж шинэчлэн хийх ямар хэрэгтэй юм бэ?’ гэж өөрөөсөө асуусан. Би илүү шинэлэг, сонирхолтой зүйл тус цувралаас хүлээж байсан ч яг л анхны хувилбарыг тэр чигээр нь хуулчихсан мэт санагдсан” хэмээжээ.
Гэсэн хэдий ч найруулагч Крис Колумбус шинэхэн цувралын бүх зүйлд шүүмжлэлтэй хандаагүй бөгөөд “нэг талаараа déjà vu ч юм шиг” хэмээн онцлон дурджээ. Тэрээр өмнө нь HBO-гийн шинэчилсэн цувралд оролцохгүй гэдгээ Variety сэтгүүлд ярьж байсан бөгөөд “Би Харри Поттерын ертөнцөд өөрийнхөө хувилбарыг хийчихсэн. Миний хийх зүйл дууссан” гэж хэлж байсан билээ.
Харин HBO-гийн шинэчлэн бүтээж буй Харри Поттер цуврал 2027 онд цацагдахаар төлөвлөгдөж байна.
