Жастин Биберийн шинэ цомгийг фенүүд нь дөрвөн жил хүлээсэн юм. Харин R&B төрлийн “Swag” цомгоо алдарт дуучин өнгөрсөн сарын 11-нд гаргаж, сонсогчдодоо хүргэсэн.
Харин өнөөдөр буюу есдүгээр сарын 5-нд Бибер өмнөх бүтээлийнхээ үргэлжлэл болох “Swag II” цомгоо шөнийн 00:00 цагт нийтэд цацна гэдгээ өөрийн цахим хуудсаараа дамжуулан зарлажээ. Тэрбээр “Swag II Tonight Midnight” хэмээн бичиж, ягаан дэвсгэр дээр зөвхөн цомгийн нэр бүхий энгийн, даруухан урлагийн өнгөөр бүтээсэн цомгийн зургаа хуваалцжээ.
Түүний “Swag II” цомгийн нүүр зураг нь Лос Анжелес, Парис, Шанхай зэрэг дэлхийн олон хотын самбар дээр байрласан байна.
