Хятадын энтертайнмент ертөнцөд чамгүй алдартай жүжигчин, дуучин, загвар өмсөгч Алан Ю (Alan Yu) нас барсан гэх мэдээлэл цацагдаж эхэлжээ.
Энэ жил 37 нас хүрч буй Алан Ютай холбоотой золгүй явдлын талаар тус улсын “News.Az”-д мэдээлснээр Ю Мэнлун буюу Алан Ю нь Бээжин дэх нэгэн барилгаас унаж нас барсан байна.
Уг мэдээлэл анх “Weibo” сайт дээр нийтлэгдсэн байх ба блоггер Шиао Ян түүнийг найзуудтайгаа цагийг өнгөрөөж байгаад шөнийн 02:00 цагийн үед унтлагын өрөөндөө орсон гэх ба найзууд нь удалгүй түүний гэрээс явжээ. Талийгаачийн цогцсыг өглөөний 06:00 цагт нохойгоо салхилуулж явсан хүн олж, цагдаад дуудлага өгсөн хэмээн Шиао Ян мэдээлсэн бөгөөд Алан Югийн дотнын найзуудын нэг нь энэхүү мэдээлэл ердөө цуурхал хэмээн Red Star News-р дамжуулан мэдээлсэн ч түүнийг нас барсан хэмээх албан ёсны мэдээлэл мөн цацагдсан байна.
Ю Мэнлун 1988 оны зургаадугаар сарын 15-нд БНХАУ-ын Шинжааны Өрөмч хотноо төржээ. 2007 онд “Dragon” телевизээс зохион байгуулсан “My Show” нэвтрүүлэгт оролцсноор алдартай болж эхэлсэн ба удалгүй хөвгүүдийн хамтлагт дебютээ хийж, цаашлаад жүжигчин болон загвар өмсөгчийн карьераа эхлүүлж байжээ.
Өчигдөр буюу есдүгээр сарын 12-нд Хятадын төв телевизээр гарахаар төлөвлөж байсан киноны нээлт уг ослын улмаас хойшилсон бөгөөд Алан Ю уг кинонд залуу болон идэр насны эрийн дүр бүтээсэн байна.
