“Lego” компани хүүхдүүдийн эмчилгээний өмнөх айдас, сэтгэлзүйн дарамтыг бууруулах зорилгоор соронзон резонансын дүрс оношилгооны (MRI) төхөөрөмжийн жижиг загвартай тоглоомыг бүтээжээ.
Тоглоом бүтээх санаа нь ховор өвчний оноштой 14 настай Сэм Лэйн хүүгийн санаачилгаас төрсөн байна. Түүнд хорт хавдрын онош тавигдсаны дараа, MRI төхөөрөмжөөс эмээж буй бусад хүүхдүүдийг анзаарч, “Би бусдад туслах ёстой” хэмээх сэтгэлээр энэхүү загварыг зохион бүтээжээ.
“Boston Children’s Hospital” зэрэг олон улсын нэр хүндтэй эмнэлгүүд уг тоглоомыг хүүхдүүдийн эмчилгээний өмнөх айдсыг багасгах хэрэгсэл болгон ашиглаж байна.
Хүүхдүүд төхөөрөмжийг гараараа барьж үзэх, тоглож турших боломжтой болсон нь тэдний ойлголт, итгэлийг нэмэгдүүлж, түгшүүрийг мэдэгдэхүйц бууруулдаг гэж мэргэжилтнүүд дүгнэжээ.
