Японы баруун хэсгийн Вакаяма мужийн Кайнан хотод зохион байгуулагдсан нэгэн арга хэмжээ дэлхийн дээд амжилт тогтоожээ. Тодруулбал, энэхүү төсөл нь хамгийн олон хүн нэгэн зэрэг цагаан гаатай жигнэмэг чимэглэсэн гэсэн Гиннесийн амжилтын эзэн болов.
Жигнэмэг чимэглэх арга хэмжээнд хүүхэд, насанд хүрэгчид нийлсэн 282 хүн цугларчээ. Оролцогч бүрт байшин хэлбэртэй цагаан гаатай жигнэмэг тарааж өгсөн бөгөөд түүнийгээ 15 минутад багтаан зэрэг чимэглэцгээсэн аж. Ингэхдээ шоколад, хатаасан жүрж зэргийг ашиглан байшингаа цасан ширхэг, хана, дээвэртэй болгожээ. Чимэглэлээ хугацаандаа багтаан хийж дуусгасан хүний тоог албан ёсоор 279 гэж тоолсон байна.
Кайнан нь Японд хамгийн анх тачибана жүрж тариалсан хот юм. Тийм ч учраас тус хотыг япон жүрж болон япон амттангийн өлгий нутаг гэдэг.
Дэлхийн дээд амжилт тогтоосон завшааныг ашиглаад Кайнан хотыг цаашид нарийн боов, амттангийн төв болгон хөгжүүлэх хүсэлтэй байгаагаа зохион байгуулагчид хэлж байна.
Арга хэмжээнд оролцсон бага сургуулийн сурагч сэтгэгдлээ илэрхийлэхдээ “Цасан ширхэг хийх нь хамгийн хэцүү юм. Гэхдээ хүмүүстэй хамт бөөндөө жигнэмэг чимэглэх хөгжилтэй байлаа. Дэлхийн дээд амжилт тогтоосондоо баяртай байна” гэжээ.
