Британийн “The Economist” сэтгүүл гурав дахь жилдээ ганцаараа амьдрахад тохирох өртгийг харьцуулсан “Carrie Bradshaw” индексийг танилцууллаа. Индексийн үр дүнгээр Канзасын Вичита хот 1.75 оноо авч ганцаараа амьдрахад хамгийн хямд өртөгтэй хотоор шалгарлаа.
Ийм төрлийн хотуудын нийтлэг онцлог нь хүн ам цөөн, эрэлт харьцангуй бага, амьжиргааны зардал тогтвортой байдалд оршдог байна.
Энэ жил нийт 41 хот “хэт үнэтэй” ангилалд багтсан нь өмнөх жилийн 38 хотоос өссөн үзүүлэлт болжээ. Ялангуяа Техасын Даллас, Хьюстон, Остин зэрэг хотууд түрээсийн огцом өсөлтөөр анх удаа энэхүү ангилалд шилжсэн байна.
“Carrie Bradshaw” индекс нь зөвхөн орон сууцны үнэ төдийгүй, тухайн хотын эдийн засгийн бодит чадавх болон оршин суугчдын орлогын уялдаа холбоог илэрхийлдэг.
