Буриад зоны соёл урлагийн “Алтаргана” наадам энэ жил Хэнтий аймгийн Дадал суманд болно. “Алтаргана” наадам энэ жил Ерөнхий сайд Н.Алтанхуягийн ивээл дор зохион байгуулагдахаар болжээ. Ерөнхий сайдад "Алтаргана" наадмыг ивээлдээ аваач ээ гэсэн хүсэлтийг наадам зохион байгуулагчдаас тавьсан аж.
“Алтаргана” наадам энэ жил анх 1994 онд болсон газартаа зохион байгуулагдах бөгөөд 2014 оны долдугаар сарын 18-21-нд болох тов гарчээ.Хоёр жилд нэг удаа болдог энэ наадам 20 жилд арван удаа зохион байгуулагдахад хамрах хүрээ нь жил ирэх тусам нэмэгджээ. 2012 онд “Алтаргана” наадам Агын Буриадад болоход 15 мянган хүн оролцсон гэх мэдээ байдаг. Үүнээс харахад “Алтаргана” наадам үндэсний хэмжээний наадам болжээ.
Ерөнхий сайдын ивээл дор зохион байгуулагдаж байгаа тус наадмын санхүүжилтийн тодорхой хувийг Засгийн газраас гаргаж, аймаг, орон нутгийнхан санхүүгийн асуудлаа шийдвэрлэх юм байна.
www.URLAG.mn
