Филиппины Параньяк хотод гоо бүсгүй шалгаруулах “Miss Earth-2025” тэмцээн болж өнгөрлөө. Энэ жил 25 дахь удаагаа явагдсан тус тэмцээнд нийт 82 орны гоо бүсгүйчүүд өрсөлдсөн юм.
2025 оны “Miss Earth” тэмцээнд Чехийн 21 настай оюутан Натали Пушкинова түрүүллээ. Натали “Univerzita Karlova” их сургуульд олон нийттэй харилцах чиглэлээр суралцдаг. 16 настайдаа тэрээр аавыгаа алдсан бөгөөд энэ явдал түүнд байгаль, хүрээлэн байгаа орчны төлөө тэмцэх сэдэл өгсөн байна. Натали хүнсний хаягдлыг багасгах, далай тэнгисийг цэвэр үлдээх, залуучуудад туслах төсөл боловсруулж байгаа аж.
“Мiss Earth” тэмцээн нь бусад гоо бүсгүйн тэмцээнээс ялгаатай нь оролцогчдын гоо үзэсгэлэнгээс гадна тэдний экологийн төлөө юу хийх чадвартай вэ гэдгийг дүгнэдэг онцлогтой билээ.
