Улсын драмын эрдмийн театрын жүжигчин Цэрэндоржийн Баясгалан Косово улсад зохиогдсон Моно драмын Олон Улсын театрын МонАкт-2014 фестивальд Монгол улсаа төлөөлөн “Эдит Пиаф байна” моно драмын жүжгээрээ атмжилттай оролцоод ирсэн.
Энэхүү фестиваль нь Косово улсын Пеяа хотод 2014 оны 4-р сарын 15-наас 22-ны өдрүүдэд үргэлжилж, Герман, Польш, Орос, Монгол, Украйн, Македон, Косово, Монтенегро, Румын, СловеХниа, Словакиа зэрэг дэлхийн 13 улсын 70 гаруй уран бүтээлчдийн уран бүтээлчид өөрсдийн моно жүжгээр оролцсон бөгөөд “ШИЛДГИЙН ШИЛДЭГ УРАН БҮТЭЭЛ”-ГРАНПРИ шагнал, “Шилдэг эрэгтэй жүжигчин”, “Шилдэг эмэгтэй жүжигчин”, “Шүүгчдийн нэрэмжит шагнал”–ийн эздийг тодруулсан олон улсын уралдаант фестиваль бөгөөд Монгол улс тэргүүж, УДЭТ-ын жүжигчин Ц.Баясгалан “Би Эдит Пиаф байна” жүжгээрээ “Шилдэг уран бүтээл-Гран При” шагналыг хүртсэн юм.
Жүжигчин Ц.Баясгалангийн жүжиглэх дуулах ур чадварыг өндөрөөр үнэлж, тайз декораци, дуу шум, гэрэлтүүлэг гээд бүх зүйлийг Олон улсын шүүгч нар цогцоор нь үнэлсэн нь энэхүү шагналын эзэн болгосон юм.
Энэхүү моно жүжгийг 2013 онд Украины зохиолч Нина Мазурын зохиолоор найруулагч МУУГЗ Б.Баатар найруулан ерөнхий зураачаар МУСТА Н.Батбилэг ажиллаж, УДЭТ-ын жүжигчин Ц.Баясгалан Францын алдарт дуучин Эдит Пиафын амьдрал уран бүтээлийг тайзнаа харуулан түүний 7 дууг франц хэл дээр дуулж, бүжиглэж, жүжиглэж, үзэгчдэдээ хүргэсэн моно мюзыкл драм юм.
Мөн жүжигчин Ц.Баясгаланд энэхүү фестивалиас Германы Ханновер хотод 2015 онд болох Моно драмын Олон улсын фестивальд оролцох ЭРХИЙГ АЛБАН ЁСООР ОЛГОЛОО.
Улсын Драмын Эрдмийн театрын үйл ажиллагааны төлөвлөгөөнд уран бүтээлчдийн тайлан тоглолт, уран бүтээлийн цэнгүүнийг зохион байгуулах ажлын хүрээнд энэ жил жүжигчин Ц.Баясгалангийн “МОНО ЖҮЖГИЙН ӨДРҮҮД” уран бүтээлийн тайлан тоглолтыг 2014 оны 5-р сарын 02-03-нд УДЭТ-ын тайзнаа хийх гэж байна.
- 5-р сарын 02-ны 20:00 цагт “Би Эдит Пиаф байна” моно жүжиг (2013)
21:00 цагт “Бенефис” уран бүтээлийн тайлан тоглолт
- 5-р сарын 03-ны 19:00 цагт “Тэнгэрийн аялгуу” моно жүжиг (2014)
20:00 цагт “Бенефис” уран бүтээлийн тайлан тоглолт тус тус болно.
www.URLAG.mn
