“Гэнэтийн бэлэг” ,“Зүүдэнд ч оромгүй явдал” , "Амьдралд тавтай морил" гээд олны ташаалд нийцсэн олон сайхан кино зохиол бичсэн залуу зохиолч Ж.Оргилын бас нэгэн кино бүтээл тун удахгүй нээлтээ хийх гэнэ. Энэ удаагийн “Хүүгүй ломбард” хэмээх инээдмийн киноны гол дүрд “Маск” продакшны жүжигчин Э.Алдар тоглож байгаа аж.
Мөн “Тв коктейль” хамтлагийн жүжигчин Д.Энхбаяр, Мөрөөдлийн театрын жүжигчин Г.Алтаншагай, жүжигчин Н.Мөнхсоёл зэрэг олон залуу уран бүтээлчид хамтран ажиллаж байгаа юм байна.
Дашрамд дуулгахад, “Маск” продакшны жүжигчин Э.Алдар “Хүүгүй ломбард” гэх энэхүү киноны гол дүрд тоглохдоо үзэгчдийн үзэх дуртай монголын уран сайхны нэгэн киноны гол дүрийн нэртэй адилхан нэрээр тоглож байгаа гэнэ.
Хэрэв энэхүү нэрийг таасан хүнд тус киноны хамт олон өндөр шагнал өгөхөөр амлаад байгаа ажээ. Нэр таах тэмцээнд орохыг хүссэн хэн ч байсан “Хүүгүй ломбард” хэмээх фэйсбүүк хуудсаар ороод оролцох боломжтой юм байна.
Ж.Өөдлөн
