Анхдугаар Үндсэн хуулиа баталж, Бүгд Найрамдах Улсаа тунхагласны түүхт 101 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган нэр бүхий эрхмүүдэд төрийн дээд цол, одон, медаль хүртээлээ.
Улсын драмын эрдмийн театр, Улсын хүүхэлдэйн театрын ахмад уран бүтээлч, жүжигчин О.Норолхоо Монгол Улсын Гавьяат жүжигчин цолоор шагнууллаа.
О.Норолхоо нь 1968–1992 онд Улсын Драмын Эрдмийн Театрт жүжигчнээр ажиллах хугацаандаа 50 гаруй дүр бүтээснээс дурдвал, Ч.Лодойдамба “Гарын таван хуруу” жүжгийн Идэр, Ч.Айтматовын “Эхийн дууль” жүжгийн Джамбулат хүү, Б.Стоугийн “Том авгын овоохой” жүжгийн Синечка, П.Хорлооогийн “Өрсөлдөөн” жүжгийн Осор, С.Удвалын “Цэрэн хаачив” жүжгийн Мандал, Егор Булычев жүжгийн Шура, Батбаярын “Дөшинжирмийхэн” жүжгийн Энхтүвшин, А.Толстой “Алтан түлхүүр” жүжгийн Буратино, С.Маршакын “Муурын байшин жүжиг”-ийн Зулзага муур, Батбаярын “Хөхөлдэй хүүгийн үлгэр” жүжгийн Эх шулам, Панчо Панчевийн “Шовгор малгайн дууль” жүжгийн 4 ихэр хүү, Д.Мягмар “Найрын ширээний ууц” жүжгийн Цэцгээ, Самдангийн хүү зэрэг дүрийг бүтээсэн эрхэм юм.
