Анхдугаар Үндсэн хуулиа баталж, Бүгд Найрамдах Улсаа тунхагласны түүхт 101 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган нэр бүхий эрхмүүдэд төрийн дээд цол, одон, медаль хүртээлээ.
УДЭТ-ын бүжиг, хөдөлгөөний найруулагч Г.Ган-Очир Монгол Улсын Урлагийн Гавьяат зүтгэлтэн цол, тэмдгээр шагнууллаа.
Г.Ган-Очир нь 1996 онд Улсын драмын эрдмийн театрт жүжигчнээр ажлын гараагаа эхлүүлж байсан. 2019 оноос одоог хүртэл Улсын драмын эрдмийнтеатрт бүжиг, хөдөлгөөний найруулагчаар ажиллаж уран бүтээлүүдэд шинэ уур амьсгал оруулсаар байна. Тэрээр УДЭТ-т ажиллах хугацаандаа театрын төлөвлөгөөт уран бүтээл Т.Габбегийн “Үнсгэлжин”, Д.Урианхайн “Харанхуйд харагдахуй буюу 2-1=0”, С.Жаргалсайханы “Би эрчүүдийг хүснэ”, Ч.Ойдовын”Далан худалч”, П.Меримегийн “Кармен хүүхэн”, У.Шекспирийн “Ричард ван III”, О.Нилийн “Тамын дурлал”, У.Шекспирийн “Ромео Джульетта”, “Зуун шөнийн зүүд”, Ш.Гүрбазарын “Надаар тоглосонхайр” жүжгүүдэд жүжигчнээр ажилласан бол Р.Куни “Эцсийн зогсоол зөвхөн чи”, Х.Пинтер “Yesterday”, Н.Коляда “Манекен”, Дарио Фо “Чөлөөт хос”, У.Шекспирийн “Ромео Жульетта”, Б.Лхагвасүрэнгийн “Үгүйлэгдсэн хайр”, Б.Хишигзаяа, Я.Баяраа нарын “Царцаа намжил”, Л.Толстойн “Адууны түүх”, Э.Оюун, С.Нинжбадгарнарын “Би эндээс явахгүй”, С.Өлзийтөгс “Бүсгүйнзурвас”, Б.Брехтийн “Сычуаны сайн хүн”, Н.В.Гоголийн “Тоглоомчид”, Б.Цогнэмэхийн“Тэнгэрийн хүү” зэрэг жүжгүүдэд бүжиг дэглээчээр тус тус ажиллаж, мэргэжлийн судлаач, шүүмжлэгчдээс өндөр үнэлгээ авч байсан юм. Г.Ган-очир нь урлагт хөл тавьж, ажилласан хугацаандаа 200 гаруй бүжиг дэглэж ажилласнаас гадна 2016-2019, 2022, 2025 оны Үндэсний их баяр наадмын нээлт, хаалтын үйл ажиллагааны ерөнхий бүжиг дэглээчээр ажилласан билээ.
