Монголын Залуучуудын Холбооноос 6 дахь жилдээ уламжлал болгон зохион байгуулж байгаа “Залуу хүн” цуврал лекц ирэх 2-р сарын 7-оос “Залуусаа нэгдье” уриан дор эхэлсэн. Залуучуудын мэдлэг боловсролыг дээшлүүлэх, чөлөөт цагийг зөв боловсон өнгөрүүлэх, нийгэмд зөв байр сууриа олоход туслах, хэрэгтэй мэдээ мэдээллийг өгөх зорилготой энэхүү лекц нь долоо хоног бүрийн баасан гаригт зохион байгуулагддагаараа онцлог бөгөөд түүх, нийгэм, соёл, ёс заншил, дэлхий дахины зэрэг залуучуудын сонирхсон сэдвийн дор явагддаг юм.
Монголын залуучуудын холбооны “Залуу хүн” цуврал лекцийн 10 дахь зочноор дэлхийд Монголынхоо нэрийг гаргаж яваа залуу дизайнер Г.Золцэцэг буюу Катя Зол уригджээ. Тэрбээр энэ удаа “Эерэг хандлага” сэдвээр сонирхолтой яриа өрнүүлэх юм байна. “Залуу хүн” цуврал лекц 5 сарын 2-ны баасан гарагт 17:37 цагаас Залуучуудын нээлттэй танхимд болно.
www.URLAG.mn
