Румын улсыг домогт Дракулагийн төрсөн нутаг гэдэг. Тэгвэл тус улс тун удахгүй Дракулагийн газар нутгийн жинхэнэ эзэн болох гэж байна. Дэлхийн хамгийн анхны Дракула сэдэвт парк Бухарест хотын ойролцоо удахгүй нээгдэх гэж буйг “Bloody Disgusting” хуудас мэдээлжээ.
777 мянган метр квадрат талбайг хамрах тус парк нь дотроо зургаан хэсэгтэй, 40 гаруй тоглоомтой. Тухайлбал, галзуу хулгана, ой мод, эртний тосгон бүхий зохиомжтой “Transylvania”, эвдэрч нурсан балгас, төөрдөг байшин, нуур, сарьсан багваахайтай “Dracula’s Castle”, ер бусын амьтдыг харуулсан “The Family Kingdom”, цус сорогч агнахад зориулсан саадтай тоглоом, хөлөг онгоцны аялал, морин тэрэгний замтай “London Town”, галзуу хулганатай, карнавал тоглоомтой “Port of New Orleans” гэсэн хэсгүүдтэй.
Тус паркад тоглолт, спортын тэмцээн зэрэгт зориулсан 22500 суудал бүхий талбайтай. Мөн нийт 1200 өрөө бүхий гурван зочид буудал, усан парк, тансаг дэлгүүр, мэргэжлийн уралдааны тойрог, технологийн төвтэй. Тэрхүү технологийн төвд нь стартапуудад зориулсан 1000 гаруй ажлын өрөө бий.
“Dracula Land”-ын бүтээн байгуулалтын ажил энэ оны есдүгээр сард эхэлсэн бөгөөд 2027 оны эхэн үеэр ашиглалтад орох төлөвтэй байна.
