Их Британийн жүжигчин Идрис Эльба Лондон хотын Мадам Тюссогийн музейд өөрийн лааны тосон барималтай боллоо. Түүний баримал нь Эльбагийн нэрийн брэндийн хөх өнгийн костюмтай.
Хуруунд нь хуримын бөгж байгаа ч жинхэнэ амьдрал дээр Эльба тэр бөгжөө алдаж орхисон гэнэ. Үзэгчдийн өгүүлснээр түүний баримал эзэнтэйгээ хэт адилхан болсон тул дэлхий даяар “Ганц ялгаа ол” гэсэн тоглоом явж эхэлжээ.
Идрис Эльба 30 жилийн өмнө жүжигчний замналаа эхлүүлсэн. “The Dark Tower”, “Three Thousand Years of Longing”, “Thor: Ragnarok”, “A House of Dynamite” зэрэг олон бүтээлээрээ танил болсон. “Алтан бөмбөрцөг” шагналт. 2016 онд Time сэтгүүлийн “Дэлхийн хамгийн нөлөөтэй 100 хүн”-ий жагсаалтад багтаж байсан. Түүний оролцсон кинонууд нийт 9,8 тэрбум ам.долларын орлого олжээ.
